Materiaal - Kabouters

Materiaal - Kabouters

Sjoe!!  Hierdie week gaan alweer so dol en vinnig dat ek niks klaargemaak kry waaroor ek kan blog nie!!  Toe besluit ek maar om vir jul die mooi materiaal te wys wat ek laas naweek gekoop het, voordat die week omgaan sonder 'n post :)

Dit is net perfek vir stilboeke en ek het 'n idee Skoonsus gaan hiervan vir haar stilboek se buiteblad wil he :) (Is die tegnologie nie wonderlik nie?  Nou kan sy ook solank kyk en besluit sonder dat ons die duisend-of-wat km tussen ons moet oorsteek!)

Nouja, hoop jul geniet dit :)

 

 

 

 

Groete

RC

xxx

Rose

Op die oomblik geniet ek en die sosages ons tuintjie so baie met die lieflike lente weer.  Almal kan mos doen met 'n bietjie natuurlike inspirasie.  So toe dink ek dat ek so af en toe die mooi blommetjies met jul gaan deel.  Ons kan tog nie heel dag binne sit en naaldwerk doen as dit so pragtag is buite nie!!

Hoop jul geniet dit :)

ROSE

Ek was so verras en opgewonde toe die ou verwaarloosde roosboom begin knoppies maak!!  (nie dat ek veel weet van roosbome snoei en bemes nie!  Ek gee maar net water en geniet die blomme!)

en hulle ruik toe so lekker!!

Dis die pragtage verassing wat ons gister kry toe ons na die vakansietjie by die huis kom :)

Ek het vanoggend 'n paartjies gesny om in my kombuis te sit, dalk moet ek een vir my lessenaar ook sny vir inspirasie om weer aan die gang te kom na die vakansie ;)

Nouja, laat ek weer bietjie agter die masjien inskuif.

Groete

RC

xxx 

Kombers & Spoegdoek stel - blou & geel - VERKOOP

Blou & Geel Kombers & SSS stel - R220 -VERKOOP

Nadat ek die pers stelletjie gemaak het, moes ek darm 'n blouetjie ook maak.  Ek is eintlik jammer dat die oulike blou hasie materiaal nou opgebruik is.

 Ek dink dat hierdie stelletjie die ideale ooievaarstee geskenkie is :) en die patroon is darm neutraal genoeg sodat dit vir 'n seuntjie of dogtertjie sal werk.

Beskrywing:  Die stelletjie bestaan uit 'n omgekapte, flennie receiving kombersie en 'n super skouer spoegdoek.

Materiaal:  Kombersie - flennie

Spoegdoek - flennie en mikrovesel

Kleur:  Wit flennie met prettige haas patroon met blou skakering, geel mikrovesel en blou skuinsstrook om die spoegdoek.

  

Mates:  Kombersie -100x96cm

55x40cm

Prys:  R220 +posgeld

Die patroon vir die spoegdoek is beskikbaar by www.sew4home.com

Groete

RC

xxx  

Kop & Stert Stilboek

Kop & Stert Stilboek - R815

Uiteindelik!!!  :D Ek het mos gese dat ek besig is met 'n "geheime projek".  Nouja!!  Hier is hy nou in al sy glorie!!  Ek is nogal baie in my skik met hoe dit uitgekom het :)

Ek loop al lankal met hierdie idee in my kop en ek dink dat dit 'n klein mensie met oneindige pret sal verskaf.

Die idee is om die gesiggie by die regte lyfie te pas.  Ek is absoluut gaande oor die diere figuurtjies, van hul lyk so stout ;)

mnr. Olifant

 Beskrywing:  'n Stilboek van verskillende diere.  Die idee is om die gesig en lyf bymekaar te pas.  Met ringetjies gebind wat die ouer in staat stel om die diere te skommel sodat dit bietjie moeiliker kan wees soos die kind ontwikkel.  Absoluut geen klein stukkies wat ingesluk kan word nie, so dit is geskik vir die kleinste babatjie en sal tot in die kleuter jare geniet kan word.

die Krokodil

 Materiaal:  Katoen bladsye met vilt diere motiewe.  Voor- en agterblad is ook van katoen met 'n stywe batting gestop.  Met metaal ringetjies gebind.

mnr. Seekoei

 Kleur:  Die buiteblad is lig blou gestreepte patroon met fyn blom motief en die binneblad is 'n neutrale beige.  Die blaaie is van verskillende kleure en motiewe en ook verskillende teksture, wat dit vir baba van jongs af baie interessant maak.

tannie Panda

 Mates:  25cm breed x 28cm hoog x 5cm dik

mev. Kangaroo

 Gaan na myHello Pretty Winkel om hierdie stilboek te koop.

Skommel die diere om dit interessant te hou

Nouja!  Ek sal vandag bietjie aan my skoonsus se stilboek moet werk, anders sal hy ook nooit klaarkom nie! :)

Groete

RC

xxx 

African Flower Olifant - Blou, Grys & Room

Blou, Grys & Room African Flower Olifant 

Hierdie olifantjie was 'n baie spesiale bestelling.  Hy voel vir my soos royalty, want hy is die prys vir 'n gelukkige trekker van 'n raffle wat die Addo Olifant Park gaan aanbied!!!  Kan julle dit glo?? :)
Ek dink ek sal beslis ook 'n lootjie moet koop sodat ek ook 'n kans kan staan om hom te wen ;)

Ek sal al die besonderhede vir julle post sodra hulle dit vir my aangestuur het.

Ek kan nie wag om hom hierdie week te gaan pos nie!!  Ek hoop dat hul tevrede sal wees met my keuse vir die kleure.  Ek dink hul komplimenteer mekaar pragtag.

Ek is gaande oor hierdie vrou se patrone.  Sy het al 'n hele reeks diere-patrone uitgewerk met die african flower motief.  Ek dink dit is briljant!!  Al die verskillende vormpies (van vier- tot agthoeke) pas so inmekaar dat dit die diertjie se lyf vorm.

Ek is nou hoeka besig met 'n bont seekoei.  Hoop dat ek hom binnekort sal kan post.

Die patroon is te koop beskikbaar by heidibearscreative.blogspot.com en ook op haar ravelty blad.
Vir die van jul wat graag brei of hekel en nog nie weet wat ravelry is nie, gaan gerus na www.ravelry.com.  Daar is oorgenoeg patrone om enigiemand gelukkig te hou en boonop is meeste van hulle heeltemal gratis! :)

Laat ek gaan hekel aan daardie seekoei-maatjie!!

Groete
RC
xxx

Dinosaurus poppie - blou

Blou Dinosaurus poppie

Hmm.. die creative juices vloei darem nou weer beter :) seker omdat die voeltjies so vrolik sing en my plantjies weer begin uitloop.  Die groente wat ek gesaai het kom ook op!!  Wag nou net vir die spesiale pet grass  wat ek gesaai het vir die worshonde hehe die somer bring darm nie net hittegolwe nie ;)

Wat dink julle van die outjie?

Die outjie is vir my te oulik en vandat ek sy prentjie gesien het, het ek geweet ek moet hom maak!  Hy het ook van dai oulike taggies aan wat baba kan vryf en voel

Beskrywing:  Sagte dinosaurus poppie met lint tags aan.

Materiaal:  Flennie, katoen en lint.

Kleur:  Flennie - wit met fyn blou blom patroon

Katoen - denim blou

Lint - blou en seegroen

Mates:  12x25cm

Ek het die patroontjie by firstdayofmae.blogspot.com onder baby dino gekry :)

Groete

RC

xxx  

tag kombersie - pers

Pers tag kombersie

YAY!!  My eerste projekkie vir die lente!! :D

Nou dat dit watmer is, het my planne skielik begin opdroog vir goedjies om te maak.  Seker omdat mens nie kombersies en al daai lekker goedjies wat ek vantevore gepost het dan so handig vind nie, en verder weet almal dat ek vinnig na die winter terugverlang!!  Ek vind die hitte net nie so inspirerend nie hehe en dan is ek ook besig met groter projekte wat bietjie langer vat en nie elke dag op die blog kan verskyn nie.

Darem het ek weer hierdie idee opgediep nadat ek bietjie inspirasie in my lysies gaan soek het ;)

Love julle nie ook lysies nie??

Hierdie is so eenvoudige idee en blykbaar is baba-handjies mal daaroor!!  Mens kan dit ook maklik verstaan, want met al die teksture kan ek dit ook nie uitlos nie!  Die idee is nie om baba warm te hou nie, maar liewer om ietsie te verskaf om baba besig en geintresseerd te hou.

Beskrywing:  Klein reghoekige kombersie met gevoude linte om die rand vir baba om te vryf en te voel.

Materiaal:  Flennie en knobbelrige cuddle materiaal met lint.

Kleur:  Pers flennie met windpomp motiewe 
Ligte beige cuddle materiaal
Room en seegroen linte.

Mates:  30x25cm

 Die idee het ek gekry by www.lemonadeandlollypops.com.  Daar is 'n baie oullike tutoriaal hoe om dit te maak.
 

Groete

RC

xxx